ဖြူပြာတစ်ယောက် အလုပ်နောက်ကျသဖြင့် ကားဂိတ်သို့ ကတိုက်ကရိုက်ထွက်လာခဲ့သည်... ကားဂိတ်ရောက် သည်နှင့် မိမိစီးရမည့်လိုင်းကားနှင့် တန်းတိုးသဖြင့် တော်ပါသေးရဲ့ ဟူသောအတွေးနဲ့ ကားပေါ်သို့ အပြေးအလွှားလေး တက်လိုက်သည်။
ဖြူပြာ ဆိုသည့်မိန်းကလေးမှာ ခါးလည်လောက်ရှိသည့် နက်မှောင်သောဆံပင် ၊ အသားဖြူဖြူ ကိုယ်လုံးတောင့်တောင့် ဖြောင့်ဖြောင့်မို့ အမျိုးသားများ တစ်ချက်လောက်တော့ စောင်းငဲ့ကြည့်လောက်အောင် ကြည့်ကောင်းလွန်းသည့် အမျိုးသမီးဟုဆိုနိုင်သည်...
အလုပ်ကနောက်ကျပါတယ်ဆိုမှ မိုးကသည်းသည်းမည်းမည်းရွာလို့ ကားကလည်း ပျက်ချေပြီ... ကားဆရာမှ နောက်ကချိန်းပေးပါမည်ဟူသော ကျယ်လောင်တဲ့ စကားသံနှင့်အတူ လူအများအပြား ကားပေါ်မှ တိုးဝှေ့ဆင်းကုန်ကြသည်…
ဖြူပြာတစ်ယောက်တော့ အလုပ်ကနောက်ကျရတဲ့အထဲ ကားကပျက်ပြန်ပြီ ..နေရာလေးရလို့ သက်တောင့်သက်သာလေးများ စီးရမလားဆိုပြီး ခုတော့ သွားပြီ ဆိုပြီး စိတ်ထဲမှတွေးကာ “ကံဆိုးမသွားရာ မိုးလိုက်လို့ရွာနေပါလား” ဟုပင် တစ်ကိုယ်တည်းတီးတိုး ရေရွတ်လိုက် မိသေးသည်...
ကားအောက်ရောက်ရောက်ခြင်းပဲ ကားစပယ်ရာမှ နောက်ကားတစ်စီး ချိန်းပေးလိုက်သည်... ရုံးသွားချိန်မို့ ကားကကြပ်သည့်ကြားက နှစ်စီးတစ်စီးပေါင်း၍ ပိုဆိုးလေပြီ... ကားကြပ်ချက်ကတော့ အသက်ပင် မနည်းဝအောင်ရှုနေရသည်... မိမိရပ်နေသောရှေ့တွင် ထိုင်နေသူက အမျိုးသားကလည်း နေရာဖယ်ပေးရမည်စိုး၍ ထင်သည်.. ဘေးဘီဝဲယာ မကြည့်မိန့်မိန့် ကြီးထိုင်နေလေသည်။
ထိုစဉ်မှာပင် မိမိနောက်မှ ပြဿနာကစလာသည် ...
လှည့်ကြည့်လိုက်တော့ အသက်လတ်ပိုင်းလောက်သာ ရှိနိုင်သေးသည့် အမျိုးသားတစ်ဦး။ ပုံစံမှာ သပ်သပ်ရပ်ရပ်နှင့် ထိုသူ့ထံမှရသည့် အမွှေးရနံ့ကလည်း သင်းကြိုင်နေသည်... လက်ထဲတွင် ကိုင်ထား သည်မှာလည်း ဗလာစာအုပ် အရွယ်နီးနီး ရှိနိုင်သည့် လယ်သာ ပိုက်ဆံ အိတ်တစ်လုံးဖြင့်...
ကားကလည်း လမ်းခရီးတစ်ဝက်လောက်တွင် ကြပ်သထက် ပိုကြပ်လာသည်... ထိုသူမှာလည်း ဖြူပြာ နောက်သို့ ကပ်သထက်ကပ်လာသည်... ဖြုပြာ့ ဆံပင်ကိုတစ်ချက် နမ်းရှုံ့လိုက် သလိုလို အထိအတွေ့ကြောင့် ဖြူပြာ ကြက်သီးဖြန်းခနဲထသွားသည်... ဖြူပြာနှင့်ထိုသူရဲ့ ခန္ဓာကိုယ်ခြင်းမှာ ကြားထဲလေတိုးမရအောင် ကပ်လေနေပြီ ... ဘေးဘီဝဲယာ တိုးဖို့ကလည်း နေရာမရှိတော့အောင် ကားကကြပ်နေပြီ... ဖြူပြာ ဇောချွေးတွေပြန်လာသည်... ထိုအချိန်မှာပင် ထိုသူလက်က ဖြူပြာ ခါးဆီသို့ရွေ့လာသည်... ဖြူ ပြာ တစ်ယောက် အသံကလည်း မထွက်ရဲ မျက်နှာတွင်တော့ ချွေးစတွေ စို့နေလေပြီ... ရှေ့ခုံတွင်ထိုင်နေသူ အမျိုးသားကို ဖြူပြာ လှမ်းကြည့် လိုက်သည် ... ဘေးက အခြေအနေတွေကို သိပုံမရ... ငတိက မျက်လုံးကြီးမှိတ်ပြီး တစ်ရေးတောင်ရနေပြီ...
ငတိ ခုံနောက်အစွန်မှာ ထိုင်နေသူ အမျိုးသမီးကတော့ တစ်ခုခုကို ရိပ်မိဟန်ဖြင့် ဖြုပြာနှင့် ထိုသူ ကို တစ်ချက် အကဲခတ်ကြည့်လိုက်သည်။ သို့သော် နေရာဖယ်ပေးရမှားစိုး၍ လားမသိ ပြတင်းပေါက် ဘက်သို့ မျက်နှာပြန်လှည့် သွားသည်။။။
ဖြူပြာနောက်မှ ကိုလူချောကလည်း တစ်စတစ်စ အကဲစမ်းပြီး တစ်ဆင့်တစ်ဆင့် တက်လာသည်။။။ ဖြူပြာနောက်သို့ တစ်ချက်လှည့်ကြည့်လိုက်သည်... ထိုခါမှ ပိုဆိုးသွားသည်ထင်ရသည် .. ဖြူပြာရဲ့ ဖူးဖူးငုံငုံ မျက်နှာကို မြင်သွားမှပဲ ထိုသူပုံစံ နည်းနည်း ပိုသရုပ်ပျက်လာသည်... ရှေ့ခုံက အမျိုးသမီး ကွက်ကြည့်ကွက်ကြည့်ဖြင့် ရေရွတ်သံကြား တစွန်းတစကို ဖြူပြာကြားလိုက်သည်..
“ကားကြပ်ရတဲ့ အထဲ နှာဘူးတွေက ပါလာသေး”ဆိုပဲ...…
ဖြူပြာ ကား ပေါ်က ဆင်းဖို့ တစ်မှတ်တိုင်သာ လိုတော့သည်...ဖြူပြာ့တစ်ကိုယ်လုံးလည်း ကြောက်စိတ်ကြောင့် ချွေးစို့နေလေပြီ... သက်ပြင်းဖြေးဖြေးချပြီး တိုးကြပ်နေသည့် ကားထဲမှ တိုးဝှေ့ထွက်လာခဲ့သည်။ မှတ်တိုင်ရောက်တော့ အပြေးဆင်းပြီး တစ်ဖက်မှတ်တိုင်သို့ လျှင်မြန်စွာလျှောက်ခဲ့လိုက်ပြီး ဖြူပြာ တက်စီတစ်စီး လှမ်းတားလိုက်သည်.... တက်စီပေါ်ရောက်မှ သက်ပြင်းရှည်ကြီး တစ်ခုဖြူပြာချလိုက်နိုင်သည်... အိတ်ထဲမှာပါလာသည့် 10000 တန် နှစ်အုပ် ကို ကြည့်၍ ပြုံးလိုက်မိသည်... ခုချိန် ဆို မိမိနောက်က ကိုလူချောတော့ ခေါင်းပူလောက်ပြီ ... ဖြူပြာကတော့ လေးငါးလလောက် အလုပ်မလုပ်ပဲ အိမ်မှာထိုင်နှပ်နေလို့ ရပေပြီ...
မိမိရှေ့က နေရာဖယ်ပေးရမှာကြောက်သည့် ငတိ နှင့် ပွစိ ပွစိဖြင့် အတင်းပြောချင်နေသည့် အမျိုးသမီးကြီးကိုရော ကျိတ်၍ ကျေးဇူးတင်မိသည်။ ငတိသာ မိန်းကလေးချောမို့ ငန်းကြောထပြီးထပေးရင်ဖြင့် ဖြူပြာ့ အကြံအစည်တွေအောင်မြင်မည်မဟုတ်... ဘုမသိဘမသိ ပွစိစိ အတင်းပြောချင်သောမိန်းမကြီးကြောင့် ပတ်ဝန်းကျင်ကို အာရုံလွှဲထားလိုက်နိုင်သည်…
တချို့ကတော့ ကိုလူချော နှာဗူးကိုသာ အပြစ်မြင်နေပေလိမ့်မည်...ရိုးရိုးသားသား ချစ်စရာဖြူပြာလေးကိုတော့ ခါးပိုက်နှိုက်တစ်ဦးအဖြစ် မြင်လိမ့်မည်မဟုတ် ...
ဒီလိုခပ်တုံးတုံး လူ့အမြင်တွေကြောင့်ပဲ ဖြူပြာတို့လုပ်စားလို့ ရနေသည်မဟုတ်ပါလော.... ဖြူပြာပြုံးရင်း အတွေးများဖြင့် မိမိလိုရာခရီးသို့ ဆက်လက် ဦးတည်လိုက်လေသည်.....
သင်ကော ကားပေါ်မှာဒုက္ခရောက်ဖူးပါသလား
#Achitlwinpyin
Credit-momolay
No comments:
Post a Comment