ဆိုရှယ်မီဒီယာကို ကောင်းမွန်စွာ အသုံးချပြီး အလုပ်အကိုင် ရှာဖွေနိုင်

ခုလက်ရှိ အလုပ်မရှိပေမယ့် ကိုယ်လုပ်ချင်တဲ့အလုပ်မျိုး၊ ကိုယ်စိတ်ဝင်စားနေတဲ့ အလုပ်မျိုးမှာ ကိုယ့်ရဲ့အစွမ်းအစကို သေချာပြသနိုင်မယ်လို့ ယုံကြည်ထားသူတွေဟာ ဆိုရှယ်မီဒီယာတွေသုံးတဲ့အခါ သတိထားသုံးသင့်ပါတယ်။ ဘာလို့လဲဆိုတော့ ဒီလို လူမှုကွန်ယက်တွေကတစ်ဆင့် သင်မမြင်နိုင်တဲ့ အခွင့်အလမ်းတွေ သင့်ထံရောက်ရှိလာနိုင်လို့ပါပဲ။ ဒီတော့ ကိုယ့်ဘက်က ဘယ်လိုအချက်မျိုးတွေ ပြင်ဆင်ထားသင့်တယ်ဆိုတာ ပြောပြပေးချင်ပါတယ်။

၁။ကိုယ်တင်လိုက်တဲ့ပို့စ်၊ စတေးတပ်စ်တွေဟာ ကိုယ်ဘာကိုဝါသနာပါတယ်၊ ဘာအလုပ်ကိုစိတ်ဝင်စားတယ်ဆိုတာ သိသာပါစေ။

သင့် account ထဲမှာ ကုမ္ပဏီအတွက် စိတ်ချအားထားရတဲ့ ၀န်ထမ်းရှာနေတဲ့ ကုမ္ပဏီပိုင်ရှင်၊ စီးပွားရေးလုပ်ငန်းရှင်တွေ မရှိဘူးလို့ မပြောနိုင်ပါဘူး။ ဒီတော့ သင့်က သင်စိတ်ဝင်စားတဲ့ အလုပ်နဲ့ပတ်သက်တဲ့ အကြောင်းအရာ၊ ပို့စ်တွေ၊ ပုံတွေ၊ စာတွေ တင်တဲ့အခါ သူ သင့်ကို သတိထားမိသွားပါလိမ့်မယ်။ သင်က အခြား အရည်မရ၊ အဖတ်မရ ပို့စ်တွေ တင်နေမယ်ဆိုရင်တော့ တစ်ခြားသူတွေနဲ့ ရောထွေးသွားမှာပါ။ ဒါ့ကြောင့် သင်တင်တဲ့ပို့စ်တွေဟာ သင့်ကိုကိုယ်စားပြုနေတယ်၊ သင့်ပုံရိပ်ကို ထင်ဟပ်စေတယ်ဆိုတာ မမေ့ပါနဲ့။

၂။သင့်account ထဲမှာ သင့်အလုပ်အတွက် အရေးပါတဲ့သူတွေ ရှိနေပါစေ။

ဒုတိယအချက်ကတော့ သင့် account ထဲမှာမှာရှိတဲ့ သူငယ်ချင်းစာရင်းထဲမှာ အလုပ်အတွက် အရေးပါတဲ့ သူတွေကို friend request ပို့ထားတာပဲဖြစ်ဖြစ်၊ Follow လုပ်ထားတာပဲဖြစ်ဖြစ် သူတို့ဆီက သတင်းအချက်အလက်ရစေဖို့၊ ဗဟုသုတရစေဖို့ လုပ်ဆောင်ပါ။ သူတို့အလုပ်နဲ့ပတ်သက်ပြီး စတေးတပ်စ်တင်တဲ့အခါ ကွန်မန့်ဝင်ရေးတာပဲဖြစ်ဖြစ် သူတို့နဲ့ခင်မင်ရင်နှီးသွားအောင် လုပ်ပါ။ အနည်းဆုံး သူတို့ ကိုယ့်ကို သတိထားမိနေပါစေ။ ဒီလိုဆို သူတို့အလုပ်အတွက် လူလိုတာမျိုးဆိုရင် ကိုယ်က သွားပြီးမိတ်ဆက်ရ လွယ်ကူသွားပါပြီ။ အစိမ်းသက်သက်ဖြစ်မနေတော့ပါဘူး။

၃။ဓာတ်ပုံတင်တဲ့အခါ သတိထားပါ။

သူငယ်ချင်းတွေနဲ့ သောက်စားပျော်ပါးနေတဲ့ပုံတွေချည်း နေ့တိုင်းနီးပါး ဖေ့စ်ဘွတ်ခ်မှာတင်နေတဲ့သူက ဘယ်သူကများ အလုပ်မှာခန့်ထားဖို့ စဉ်းစားမှာလဲ။ နောက်တစ်ချက်က ဟိုနေရာ selfie ရိုက် ဒီနေရာ selfie တွေရိုက်ပြီး နေ့တိုင်းနီးပါး တင်နေတဲ့သူကရော ဘယ်သူက အလုပ်ခန့်ဖို့ အာရုံရမှာလဲဆိုတာ သိထားဖို့ လိုပါတယ်။ ဒါ့ကြောင့် ဓာတ်ပုံတင်တဲ့အခါ မတင်ခင် အနည်းဆုံး ဒီအချက်လေးတွေ စဉ်းစားပါ။

၎။သင်ဟာ ရိုးသား၊ ကြိုးစားသူတစ်ယောက်ဆိုတာ တစ်နည်းနည်းနဲ့ ဖော်ပြပါ။

သင်ဟာ အလုပ်ရပြီဆိုရင် ဘယ်လိုတွေလုပ်ဖို့ စိတ်ကူးရှိတယ်။ သင့်အိပ်မက်က ဘာဖြစ်ပြီး တစ်နေ့ကျရင် ဘာဖြစ်အောင် ကြိုးစားမယ်ဆိုတဲ့ စတေးတပ်စ်မျိုးလေးတွေနဲ့ သင်ဟာ အိပ်မက်တွေနဲ့ကြိုးစားသူတစ်ယောက်ဆိုတာ သင့် account ထဲက လူတွေသိပါစေ။ ဒီလိုဆိုရင် သူတို့ရတဲ့ အလုပ်အတွက် သတင်းအချက်အလက်မျိုးတွေကို သင့်ကို အသိပေးတာ၊ tag လုပ်ပြီး ပြောဆိုလာပါလိမ့်မယ်။

Ref:cosmopolitan.com