ဇန်န၀ါရီ ၂၉ နံနက်ပိုင်းက စစ်ကိုင်းတိုင်းဒေသကြီး၊ မြင်းမူမြို့မှ မန္တလေးသို့ ဈေးရောင်းသွားမည့် မုန့်လုံးရေပေါ်သည် ငါးဦးသည် စစ်ကိုင်းဈေးအနီးရှိညောင်ပင်မှ ညောင်ရွက်ခူးခြင်းကြောင့်ဟုဆိုကာ နတ်ကိုင်ခံရကြောင်း မျက်မြင်တွေ့ရှိသူများ၏ ပြောပြချက်အရ သိရသည်။
“မြင်းမူမြို့က မန်းလေးဈေးရောင်းသွားတဲ့ ရွာသူတွေ စစ်ကိုင်းဈေးမှာ မုန့်လုံးရေပေါ်ထုတ်ဖို့ ဈေးရှေ့နတ်စင်ပေါ်တက်ပြီး ညောင်ရွက်ခူးကြတယ်တဲ့။ ခူးတာ ၅ယောက် တစ်နေ့ကစခူးတာ။ ဒီမနက်ခူးပြီးရော နတ်ကိုင်ပါလေရော။ ကားက စစ်ကိုင်းတံတားတက်ခါနီး ရပ်သွားပါလေရော။ ဝပ်ရှော့ဆရာလည်း ဘာကြောင့်မှန်းမသိ။ ကားကြီးနဲ့ဆွဲတော့လည်း မရွေ့။ ရွာသူ ၅ယောက် ထဲက ဒီနေ့ ၄ယောက်ပဲပါတယ်။ ၄ယောက်လုံး အပူးခံရပြီး နင်တို့ကိုယ်တိုင် ကားပြန်တွန်းခဲ့ ဆိုမှ သူတို့တွန်းပြီးနတ်စင်ရှေ့ရောက်လာတယ်။ သူတို့ ၄ယောက်အပူးခံနေရပြီး တောင်းပန်နေတဲ့အချိန်မှာ ကျန်တဲ့ ၁ယောက်က မြင်းမူက ရွာမှာ အပူးခံနေရပြီး စစ်ကိုင်းကိုသယ်လာခဲ့ရတယ်။ ရောက်လာတော့ တွေ့ရတာ တုန်တုန်ရင်ရင်နဲ့ နောက်မခူးတော့ပါဘူး။ ကြောက်ပါပြီ အပြစ်မပေးပါနဲ့ အော်အော်ပြီးတောင်းပန်တာ။ တောင်းပန်ပြီး သူ့ကိုကားပေါ်ပြန်တင်တော့ ကျန်တဲ့သူတွေကို နင်တို့ခူးတာ။ ငါ့သမီးက မခူးနဲ့လို့ပြောတာတောင် နင်တို့ခူးတယ်။ ပြီးတော့ နွားနို့တောင်းတယ်။ ရေသန့်တစ်ဗူးနွားနို့ကုန်အောင်သောက်တယ်။ ဗူးကြီးနော်။ သဲတောင်းပြီး သဲတွေလည်းစားတယ်။ ပြီးတော့အိမ်ပြန်မယ် နောက်မခူးတော့ပါဘူး ကြောက်ပါပြီ ဆိုပြီး အိမ်ပြန်ပို့လိုက်ကြတယ်။ ကားကတော့ အခုထိနှိုးမရသေးဘူး”ဟု မျက်မြင်တွေ့ရှိသူ ကိုသားကြီးက သူ၏လူမှုကွန်ရက်စာမျက်နှာပေါ်တွင် ရေးတင်ခဲ့သည်။
နောက်ပိုင်းတွင် ရပ်ရွာမှ လူကြီးသူမအချို့က အုန်းပွဲငှက်ပျောပွဲ တစ်ပွဲဖြင့် တောင်းပန်စေခဲ့သော်လည်း ကားစက်နှိုးမရကြောင်း၊ နတ်ကတော်တစ်ဦးရောက်လာချိန်၌ ကန်တော့ပွဲ သုံးပွဲပေး၍ တောင်းပန်စေကာမှ ကားစက်ပြန်နှိုး၍ရရှိခဲ့ပြီး နတ်ကိုင်ခံရသူ ဈေးသည်ငါးဦးမှာ ပြန်လည်ကောင်းမွန်သွားပြီဖြစ်ကြောင်း သိရသည်။
“အဲ့ဒီနေ့က ဖက်သည်မထွက်လို့၊ မုန်းလုံးရေပေါ်တို့၊ ဘိန်းမုန့်တို့ ထုပ်ဖို့ဖက်မရှိလို့ ညောင်ရွက်ခူးကြတာလို့ပြောတယ်။ သူတို့က နတ်ကွန်းမှန်းမသိလို့ ခေါင်မိုးပေါ်တက်ပြီး ခူးမိတာလို့ပြောတယ်။ မနက်အစောကြီး မှောင်နေတာကြောင့်လည်းပါတာပေါ့။ ခုတော့ ပြန်ကောင်းသွားကြပြီ။ အားလုံးရွာပြန်သွားကြပါပြီ”ဟု မျက်မြင်တွေ့ရှိခဲ့သူ ကိုသားကြီးက News Watch သို့ပြောသည်။
(ဓာတ်ပုံ- ကိုသားကြီး)
NW
Credit: News Watch
No comments:
Post a Comment