အချစ်​ကိုတပ်​ဆင်​ခြင်း

အင်ဂျင်နီယာ-----ဘာများ ၀န်ဆောင်ပေးရမလဲ ခင်ဗျာ

.

ဧည့်သည်------- နှလုံးသားမှာ အချစ်ကိုတပ်ဆင်မလို့ ဆုံးဖြတ်ထားပါတယ်။ ဘယ်လို တပ်ဆင်ရမလဲဆိုတာကို တဆင့်ချင်း ပြောပြလို့ရမလား

.

အင်ဂျင်နီယာ----- ရပါတယ်. . .တပ်ဆင်ဖို့အဆင့်သင့်ဖြစ်ပြီလား..

.

ဧည့်သည်--------- ဟုတ်ကဲ့...အဆင်သင့်ဖြစ်ပါပြီ။ ဒါပေမဲ့ နည်းပညာတွေကို သိပ်နားမလည်လို့ ပထမဦးဆုံး ဘာလုပ်ရမလဲဆိုတာကို ပြောပြပါလား

.

အင်ဂျင်နီယာ----ပထမအဆင့် အနေနဲ့ ရင်ဘတ်ကို ဖွင့်လိုက်ပါ။ နှလုံးသားကို ရှာတွေ့ပြီလား

.

ဧည့်သည်------ တွေ့ပါပြီ။ ဒါပေမဲ့ တချို့ပရိုဂရမ်တွေ အလုပ်လုပ်နေတာ တွေ့ရတယ်။ သူတို့ အလုပ်လုပ်နေတဲ့အချိန် အချစ်ကို တပ်ဆင်ရမှာ အခက်အခဲရှိနိုင်လား

.

အင်ဂျင်နီယာ---- ဘာပရိုဂရမ်တွေ အလုပ်လုပ်နေသလဲ

.

ဧည့်သည်-------- အင်း... ဒဏ်ရာဟောင်း၊ တစ်ကိုယ်ကောင်းဆန်စိတ်၊ မနာလို သဝန်တိုစိတ်၊ နာကျည်းစိတ်တွေက အလုပ်လုပ်နေပါတယ်။

.

အင်ဂျင်နီယာ----- ကိစ္စမရှိပါဘူး. . .အချစ်ကိုတပ်ဆင်လိုက်တာနဲ့ အချစ်က ဒဏ်ရာဟောင်းကို စစ်စတန်(system)ကနေ ဖျက်လိုက်မှာပါ။ အဲဒီ ဒဏ်ရာဟောင်းက မှတ်ဥာဏ် (memory)ထဲမှာ ကျန်ချင်ကျန်ခဲ့လိုက်မယ်။ ဒါပေမဲ့ တခြားပရိုဂရမ်တွေကိုတော့ အနှောင့်အယှက် မဖြစ်စေပါဘူး။ အချစ်မှာရှိတဲ့ ကိုယ်ချင်းစာစိတ်က တကိုယ်ကောင်းဆန်စိတ်ကို ဖုံးသွားလိမ့်မယ်။ မနာလိုစိတ်နဲ့ နာကျည်းစိတ်တွေကို အရင်ပိတ်ပစ်ရဦးမယ်။ နို့မဟုတ်ရင် အချစ်ကိုတပ်ဆင်ရာမှာ အခက်အခဲရှိလိမ့်မယ်။ သူတို့ကို ပိတ်ပစ်နိုင်မလား..

.

ဧည့်သည်------- သူတို့ကို ဘယ်လိုပိတ်ရမလဲ.. ပြောပြနိုင်မလား

.

အင်ဂျင်နီယာ----- ရပါတယ်... ခွင့်လွှတ်စိတ်ကိုရွေးပြီး ရမ်း(run)လိုက်ပါ။ မနာလိုသဝန်တိုစိတ်နဲ့ နာကျည်းစိတ်တွေ လုံးဝပျောက်သွားတဲ့အထိ ထပ်တလဲလဲရမ်းပေးပါ...

.

ဧည့်သည်--------ကောင်းပြီလေ...အချစ်ကို တပ်ဆင်လို့ ပြီးပါပြီ။ ဒါပုံမှန် ဟုတ်ပါသလား...

.

အင်ဂျင်နီယာ----- ဟုတ်ပါတယ်…ဒါပေမဲ့ ဒါဟာ အခြေခံအဆင့်ပဲရှိသေးတယ်။ အချစ်ကို တခြားနှလုံးသားတစ်ခုနဲ့ ဆက်သွယ်ပေးလိုက်မှ သူဟာ အဆင့် ထပ်တိုးသွားနိုင်တယ်။

.

ဧည့်သည်--------ဟာ မှားယွင်းနေကြောင်း အသိပေးချက် ပေါ်လာပါလား၊ အချစ်ပရိုဂရမ်က အခြားတစ်ခုမှာ အလုပ်မလုပ်နိုင်ဘူးတဲ့။ ဘယ်လိုလုပ်ရမလဲ..

.

အင်ဂျင်နီယာ----- စိတ်မပူပါနဲ့...အချစ်ဆိုတဲ့ပရိုဂရမ်ဟာ အတွင်းစိတ်ကနေပဲ အလုပ်စလုပ်တယ်လို့ ပြောတာပါ။ လွယ်လွယ်ပြောရရင် အချစ်ကို တခြားနှလုံးသားတစ်ခုနဲ့ မဆက်သွယ်ခင် ကိုယ့်ကိုယ်ကိုယ်အရင်ချစ်ဖို့ပါပဲ၊ ဒါမှ တခြားနှလုံသားကို ချစ်တတ်မှာ..

.

ဧည့်သည်------- ဒါဆို ဘယ်လိုလုပ်ရမလဲ..

.

အင်ဂျင်နီယာ----“ကိုယ့်ကိုယ်ကိုယ် လက်ခံတဲ့ဖိုင်ကိုရွေးလိုက်ပါ။ ဒီဖိုင်ထဲက “ကိုယ့်ကိုယ်ကိုယ် ခွင့်လွှတ်မှု”၊ “ကိုယ့်တန်ဖိုးကို ကိုယ်နားလည်မှု” နဲ့ “ကိုယ်လိုချင်တဲ့ကန့်သတ်မှု”ဆိုတဲ့ဖိုင်တွေကို ကော်ပီလုပ်ပြီး ရင်ဘတ်ထဲကို ထည့်လိုက်ပါ။ တူနေတဲ့ဖိုင်တွေကို ဖုံးသွားမှာပါ။ ဝေဖန်တတ်တဲ့ စိတ်ကိုလည်း ဖျက်ပစ်လိုက်ပါ။ နောက်ပြီး အမှိုက်ပုံး(recycle bin)ထဲက ရှိသမျှအားလုံးကိုလည်း ဖျက်လိုက်ပါ”

.

ဧည့်သည်----- အင်း..ကောင်းပါပြီ။ နှလုံးသားမှာ ဖိုင်အသစ်လေးတွေ ထွက်လာတာ မြင်နေရပြီ...စခရင် မျက်နှာပေါ်မှာ အပြုံးလေးတွေ တွေ့နေရပြီ။ “တည်ငြိမ်ခြင်း” နဲ့ “စစ်မှန်ခြင်း”က နှလုံးသားမှာအပြည့် ကော်ပီကူးထားတယ်။ ဒါဟာ ပုံမှန် ဟုတ်ပါသလား...

.

အင်ဂျင်နီယာ----- ပုံမှန်ပါပဲ...တခါတလေ ဒီလိုပဲ အဆင်ပြေသွားတတ်တယ်။ တခါတလေတော့လည်း အချိန်ယူပြီး စောင့်ရတတ်တယ်။ အခုဆိုရင် အချစ်ကိုတပ်ဆင်လို့ ပြီးသွားပြီ။ စတင် အလုပ်လုပ်နေပါပြီ။

.

ချစ်ခြင်းမေတ္တာဆိုတာ လူတိုင်းရဲ့နှလုံးသားထဲမှာ ဆောင်ထားသင့်တဲ့ ဖရီးဆော့ဝဲလ်တစ်ခုပါ။ အဲဒီ ဆော့ဝဲလ်နဲ့ သူ့ထဲကဖိုင်တွေကို တခြားလူနဲ့ မျှဝေဖို့ မမေ့ပါနဲ့။ အဲဒီ လူတွေကလည်း တခြားလူတွေကိုထပ်ပြီး မျှဝေပေးကြမှာပါ။ နောက်ဆုံး အရမ်းကောင်းတဲ့ဖိုင်တချို့ ကိုယ့်ဆီ ပြန်ရောက်လာပါလိမ့်မယ်”


---------


လွန်ခဲ့တဲ့ ၁ဝနှစ် စာတွေရေးစက ဘာသာပြန်ခဲ့တဲ့ လက်ရာဟောင်းလေး...

၁ဝနှစ်ကျော်ခဲ့ပေမယ့် ကျွန်မရဲ့ဦးတည်ချက်မပြောင်းခဲ့ဘူး... အဲတာက စာတွေဖတ်ပြီး ရင်ထဲ ရသတစ်ခုခုကျန်ရစ်နေဖို့ပါပဲ....

.

Credit : နိုင်းနိုင်းစနေ (Wednesday, May 03, 2006)