Facebook အသုံးပြုရာတွင် ရှောင်ကြဉ်ရမည့် အချက်(၉)ချက်

Facebook လူမှုကွန်ယက်ကို 2004 ခုနှစ်မှာ စတင်ထူထောင်ခဲ့ပါတယ်။ ထိုအချိန်ကစလို့ Facebook ဟာ အသုံးပြုသူဦးရေ တဖြည်းဖြည်းတိုးပွားလာပြီး စီးပွားရေး၊ နိုင်ငံရေး၊ အနုပညာ၊ သတင်းအချက်အလက် စတဲ့ နယ်ပယ်ပေါင်းစုံ စုံစည်းရာနေရာဖြစ်လာခဲ့ပါပြီ။ အသုံးပြုသူပေါင်း ဘီလီယံချီရှိပေမယ့် အသုံးပြုရတဲ့အကြောင်းရင်းကတော့ တစ်ဦးနဲ့တစ်ဦး မတူညီကြပါဘူး။ ဘယ်လိုရည်ရွယ်ချက်နဲ့ပဲ Facebook ကို အသုံးပြုပြု၊ Facebook အသုံးပြုရာမှာ မလုပ်သင့်တဲ့အရာတွေ ရှိပါတယ်။

၁။ နိုင်ငံရေးအမြင်တွေကို စဉ်ဆက်မပြတ်တင်ခြင်း။
သင့်အနေနဲ့ Donald Trump ကို သဘောမကျသလို Hillary Clinton ကိုလည်း ယုံကြည်ချင်မှယုံကြည်နိုင်ပါတယ်။ ဒီလိုနိုင်ငံရေးနဲ့ပတ်သက်တဲ့ သဘောထားအမြင်တွေဟာ သင့်ရဲ့ကိုယ်ပိုင်အမြင်တွေပဲဖြစ်ပါတယ်။ ဒီလိုနိုင်ငံရေးသဘောထားအမြင်တွေကို Facebook ပေါ်ကို အမြဲတမ်းတင်နေတာက လမ်းထောင့်မှာရပ်ပြီး သင့်ရဲ့အတွေးတွေကို လျှောက်အော်ပြောနေတာနဲ့ တူပါတယ်။

၂။ သင့်ကလေးရဲ့ ဓာတ်ပုံတွေ မြောက်များစွာ တင်ခြင်း။
သင့်ရဲ့ကလေးဟာ ကမ္ဘာပေါ်မှာ တစ်ဦးတည်းသော ချစ်စရာအကောင်းဆုံးကလေးမဟုတ်သလို သင့်ကလေးလုပ်သမျှကိစ္စတိုင်းဟာလည်း အမြဲတမ်းမှတ်တမ်းတင်နေရလောက်အောင် အရေးကြီးတာမျိုးတွေ မဟုတ်ပါဘူး။ (သင့်ကလေးက ကားတစ်စီးကို မနိုင်တယ်ဆိုရင်တော့ တစ်မျိုးပေါ့)။ Facebook မှာ သင့်လိုမျိုး ကလေးချစ်တတ်သူတွေ အုပ်စုဖွဲ့ပြီး ဓာတ်ပုံတွေ ဝေမျှနိုင်မယ့် Group တွေ ဖွဲ့လို့ရပါတယ်။ ဒီလို Group တွေမှာပဲ ကလေးပုံတွေကို စိတ်ကြိုက်တင်ပါ။ နောက်တစ်ချက်က သင့်ကလေးပုံကို အမြဲတမ်း Facebook ပေါ်တင်နေမယ်ဆိုရင် ကလေးရဲ့ပုဂ္ဂိလိက လုံခြုံမှုကို ရေရှည်မှာထိခိုက်လာနိုင်ပါတယ်။ ဒါ့ကြောင့် သင့် Facebook Friends တွေရဲ့ Newsfeed မှာ ကလေးပုံတွေနဲ့ ရှုပ်ယှက်ခတ်သွားအောင် မလုပ်ပါနဲ့။

၃။ မကြာခဏ Post တင်ခြင်း။
တစ်ချို့အရာတွေက ဝေမျှဖို့ မလိုအပ်ပါဘူး။ ဒီလိုဝေမျှဖို့ မလိုတာတွေထဲမှာ သင့်ခေါင်းထဲပေါ်လာတဲ့ အတွေးတွေ၊ သင်ကြည့်ခဲ့တဲ့ ရုပ်ရှင်၊ နိုင်ငံရေးသမားတစ်ယောက်ပြောတဲ့ ခပ်ပေါပေါစကားတစ်ခွန်း၊ သင့်ဆွေမျိုးသားချင်းတစ်ယောက်ယောက်ရဲ့ နာရေး၊ တစ်စုံတစ်ယောက်ရဲ့ အပြုအမှုနဲ့ပတ်သက်တဲ့ သင့်ရဲ့ မကျေနပ်ချက် အစရှိသဖြင့် ပါဝင်ပါလိမ့်မယ်။

၎။ အသိအကျွမ်းတွေ များလွန်းခြင်း။
Facebook ဟာ သင့်ဘ၀ထဲမှာတွေ့ကြုံခဲ့ဖူးတဲ့ လူတွေနဲ့ ဆက်သွယ်ပေးတဲ့နေရာမှာ အထိရောက်ဆုံးအရာတစ်ခု ဖြစ်ပါတယ်။ ဒါပေမယ့် တစ်ခါတစ်လေများ သူတို့ထဲက တစ်ချို့တွေက သာမန်တွေ့ကြုံသိကျွမ်းခဲ့တာမျိုးလောက်ပဲ ဖြစ်ပြီး ဘာမှအရေးပါအရာရောက်တဲ့ လူမျိုးတွေမဟုတ်ပါဘူး။ ဥပမာ ဘားတစ်ခုမှာ ကြုံလို့အတူသောက်ခဲ့ပြီး မနက်ကျတော့ သေချာမမှတ်မိတော့တဲ့ လူမျိုးတွေဖြစ်ပါတယ်။ ဒါပေမယ့် ဒီလူမျိုးက နှစ်ပေါင်းများစွာကြာပြီးတဲ့နောက်မှာမှ သင်ပါဝင်ပတ်သက်တဲ့ Facebook Post တစ်ခုခုကနေ တွေ့ရှိပြီး သင့်ဘ၀ထဲကို ပြန်ဝင်လာနိုင်ပါတယ်။ ဒီအခါမှာ မမျှော်လင့်ထားတဲ့ စိတ်ရှုပ်ထွေးမှုတွေ ကြုံလာရတတ်ပါတယ်။

၅။ ရည်းစားဟောင်း Post မှန်သမျှအကုန် Like ပေးခြင်း
သင့်အနေနဲ့ Facebook ပေါ်မှာ ဘယ်သူတွေနဲ့ပဲ Friends ဖြစ်ဖြစ် အရေးမကြီးပါဘူး။ သင့်ဘ၀အတွက် အရေးကြီးတဲ့ တစ်စုံတစ်ယောက်နဲ့လည်း ခိုင်မာတဲ့ ဆက်ဆံရေးတစ်ခု တည်ဆောက်ထားပြီး ဖြစ်ရင်ဖြစ်မှာပါ။ ဒါပေမယ့် ညဖက်ရောက်လာလို့ Facebook သုံးတဲ့အချိန်မှာ ရည်းစားဟောင်း တင်ထားသမျှ post အကုန်လုံးမှာ Like တွေလျှောက်ပေးနေတာကတော့ မဖြစ်သင့်ပါဘူး။ ဒီလိုလုပ်တာဟာ သူတို့အကြောင်း တွေးနေသေးတယ်ဆိုတဲ့ သဘောဖြစ်ပါတယ်။

၆။ နှစ်ကိုယ်ကြားပြောရမည့် အကြောင်းအရာများကို အများသိတင်ခြင်း။
အခုခေတ်အချစ်ဇာတ်လမ်းတွေက ပွင့်လင်းမြင်သာလာကြတယ်လို့ ဆိုနိုင်ပါတယ်။ ဟုတ်ပါတယ်။ တကယ်ခိုင်မာတဲ့ ဆက်ဆံရေးတွေမှာ ဘာမှဖုန်းကွယ်ထားစရာ မလိုပါဘူး။ ဒါပေမယ့် နှစ်ကိုယ်ကြားကိစ္စတွေကတော့ နှစ်ကိုယ်ကြားပဲ ရှိသင့်ပါတယ်။ သင်အလယ်တန်းကျောင်းသားဘ၀လောက်တုန်းက တစ်ယောက်ယောက်ကို သဘောကျခဲ့မယ်ဆိုရင် စာရေးပြီး အတန်းရှေ့ကျောက်သင်ပုန်းမှာ ကပ်ထားမှာပါလား။ ဆရာမ ဒါမှမဟုတ် အခြားတစ်ယောက်ယောက် မမြင်ခင်မှာ ကပ်တိုးလေးသွားပေးမဟုတ်ဘူးလား။ နည်းပညာက ဒီကိစ္စကို လွယ်ကူရိုးရှင်းအောင် လုပ်ပေးပါတယ်။ Facebook ရဲ့ Messenger ကနေ နှစ်ကိုယ်ကြားစကားတွေ ပြောလို့ရပါတယ်။ ဒါ့ကြောင့် လူသိရှင်ကြားတင်နေစရာ မလိုပါဘူး။

၇။ သင့်ရဲ့ ပိရမစ်ဈေးကွက်လုပ်ငန်းအတွက် အသုံးပြုခြင်း
အဖွဲ့ဝင်ရှာဈေးရောင်းရတဲ့ ပိရမစ်ဈေးကွက်လုပ်ငန်းအတွက် Facebook ကို လုံးဝအသုံးမပြုသင့်ပါဘူး။ တကယ်လို့ သင်ကိုယ်တိုင်ယုံကြည်တဲ့ ထုတ်ကုန်တစ်ခုခုကို ရောင်းချင်တယ်ဆိုရင် domain တစ်ခုဝယ်ပြီး website တစ်ခုဖန်တီးရောင်းချပါ။ Facebook ပေါ်က သင့်ရဲ့မိတ်ဆွေတွေကို သင့်ထုတ်ကုန်အကြောင်းတွေ လျှောက်ပြောပြီး စိတ်ပျက်သွားအောင် မလုပ်မိပါစေနဲ့။

၈။ သင့်ကစားနေကျ Game လိုက်ကစားဖို့ Invite လုပ်ခြင်း
ရိုးရိုးရှင်းရှင်းလေးပါပဲ။ သင့်ကစားနေတဲ့ Game ကို လိုက်ကစားတဲ့သူ ရှိမှာမဟုတ်ပါဘူး။ ဒါ့ကြောင့် ဘယ်လောက်ပဲ Invite တွေ ပို့ပို့ သူတို့စိတ်ပြောင်းလာမှာ မဟုတ်ပါဘူး။

၉။ မကြွားတတ်သလို ဟန်ဆောင်ခြင်း
သင့်သွားရောက်ခဲ့တဲ့ ခရီးတစ်ခုအကြောင်း၊ သင့်စားသုံးခဲ့တဲ့ အလန်းစား စားစရာတစ်ခုခုအကြောင်း၊ သင်သွားကြည့်နေတဲ့ ရှိုးပွဲတစ်ခုအကြောင်း စသဖြင့် ဘာအကြောင်းပဲတင်တင် Like တွေ Comment တွေ လိုချင်တတ်ကြပါတယ်။ ဘာလို့လဲဆိုတော့ Like တွေ Comment တွေက သင့်ရဲ့ မိမိကိုယ်ကို အထင်ကြီးစေခြင်းနဲ့ အတ္တကို တိုးမြှင့်ပေးနိုင်တာကြောင့် ဖြစ်ပါတယ်။ ဒါ့ကြောင့် သင့်ဘ၀မှာ ဘယ်လောက်ကောင်းတာတွေ ကြုံတွေ့နေရတယ်ဆိုတာကို ဝေမျှကို ရှက်မနေပါနဲ့။

#Achitlwinpyin
Credit-gentleman